Sunday, September 29, 2013

വാക്ക് ഓര്‍മ്മ പക

പറഞ്ഞതേറെയും മറന്ന്
കതിരു കൊയ്ത് നീ
തിരിച്ച് പോം.
സംഘമൊഴികളാല്‍
പതമ്പളന്നുമേടിച്ച്
ചിരിച്ച് സ്വസ്ഥനായ്
പിരിഞ്ഞു പോം.

പലവഴിപോയി തിരിച്ചെത്തും
പണ്ട്‌ പറഞ്ഞ വാക്കുകള്‍.
മറവിയപ്പോഴും തുണയ്ക്കുണ്ടാകണം.

പഴികള്‍ക്കൊക്കെയും
പദവികല്‍പ്പിച്ച്
കനപ്പിച്ച്
കാവല്‍ കിടപ്പുണ്ടാകും
പകയും
ഓര്‍മ്മയും പരിചയിക്കയാല്‍
വിശന്നിട്ടും വാക്കുവിഴുങ്ങാതും
ഉള്ളില്‍ കടന്ന വാക്കുകള്‍ ദഹിക്കാതും
സ്വാസ്ഥ്യമൊടുങ്ങിപ്പോയവര്‍.

നിനക്കുപേക്ഷിക്കാം
പറഞ്ഞതൊക്കെയും.

നിശ്ശബ്ദതയ്ക്കേറെ
മുഴക്കമുണ്ടെന്ന്
തിരിച്ചെത്തും വാക്കു പറയും.
ഓര്‍മ്മകള്‍ ഒഴുക്കാകും
സംഘബലങ്ങളും നീയും
ഒഴുകിപ്പോം.

വാക്ക് സ്മൃതിതന്നെ
വിസ്മൃതി തന്നെ മൃതി.

4 comments:

ajith said...

വിസ്മൃതിയല്ലോ മൃതി

Aneesh chandran said...

അത്ര പെട്ടെന്നൊന്നും പോകില്ല.

Pradeep Kumar said...

എനിക്കു പിടിതരാതെ നില്‍ക്കുന്ന എന്തെല്ലാമോ ഇനിയും ഈ കവിതയില്‍ ബാക്കിയുള്ളതുപോലെ.....

വരികളുടെ ഭംഗിയും, ലയവും ആസ്വദിച്ചു.....

മുബാറക്ക് വാഴക്കാട് said...

ഭംഗിയായ ഭാഷ..
ആക൪ഷകമായ ലയം..
മനോഹരം ഈ ഓ൪മ്മ പക..

Blog Archive