Saturday, July 20, 2013

ഫോണ്‍നമ്പര്‍

അടിയന്തിരം കഴിഞ്ഞു.
ആളുകള്‍ അകന്നു.
അക്കങ്ങളില്‍
മരണമില്ലാത്ത പത്തെണ്ണം
നിന്റെ പേരില്‍ ജീവിച്ചിരിക്കുന്നു.
ഓര്‍മ്മകളെ
മോര്‍ച്ചറിയെന്നു വിളിച്ച നീ
അക്കക്കൂട്ടത്തില്‍ കൂടി
എന്റെ ബാധയാകുന്നു.

നേരം തെറ്റിയോരു സ്പീഡ് ഡയലില്‍
നിന്റെ പേരിന്നു ജീവന്‍.
ജീവനുള്ളതെനിക്കെന്ന്
തെറ്റിതെളിയുമനിശ്ചയം.

യന്ത്രത്തിലേക്ക് നീട്ടിവച്ച ഓര്‍മ്മകള്‍ക്ക്
ഒറ്റബട്ടന്റെ ആയുസ്സ്
പാതിയുറക്കത്തിലും തിരയുന്നത്
പത്തക്കത്തിന്റെ കല്ലറയില്‍ നിന്നും
പുറത്തേയ്ക്ക് വഴിവയ്ക്കുന്ന
ഒറ്റബട്ടണാണ്‌.

2 comments:

Pradeep Kumar said...

യന്ത്രത്തിലേക്ക് നീട്ടിവച്ച ഓര്‍മ്മകള്‍ ....

ajith said...

ആ നമ്പറൊന്നും കളയാതെ ഞാന്‍ സൂക്ഷിച്ചിരിയ്ക്കുന്നു

Blog Archive